రచన,స్వరకల్పన&గానం:డా.రాఖీ
రాగం:దర్బార్ కానడ
సుందరాకార సుందర కాండ శూర
వందిత పాదాబ్జా హనుమ వానరవీర
లంకాదహనా ఆంజనేయ దానవ భంజన
శంకరాంశ సంభూత సీతాశోకవినాశా
సాష్టాంగవందనాలు వాయునందనా
1.రామనామ మహిమను ఋజువుపర్చినావయ్యా
శ్రీ రామబంటుగ జగమున కీర్తికెక్కినావయ్యా
రోమరోమమున రాముడిని నిలిపి కొలిచినావయ్యా
మా హృదయారామమున కొలువుదీరవయ్యా
2.చిరంజీవి నీవుకదా సాక్షత్కరించవయ్యా
సంజీవరాయుడవే ఆరోగ్యమీయవయ్యా
జితేంద్రియా మామతిని అదుపుచేయవయ్యా
రామభక్త మారుతీ భక్తిని కలిగించవయ్యా
No comments:
Post a Comment