రచన,స్వరకల్పన&గానం:డా.రాఖీ
మాట మంత్రమై మనసుని గెలుస్తుంది
మాట శాపమై బ్రతుకుని తొలుస్తుంది
పదుగురాడితే మాట వేదమై నిలుస్తుంది
పదేపదే అన్నమాట పెడద్రోవకు తోస్తుంది
1.పదునైన మాట మదిని-ప్రభావితం చేస్తుంది
పరుషమైన మాట ఎపుడు-ఎదనంతా కోస్తుంది
పనిరాని మాటలన్ని కాల హరణాలే
గాయపరచు మాటలు శోకాల కారణాలె
2.మాటలొలుకు హాయిగొలుపు మకరందాలే
మాటలు ప్రియమైతే ప్రియమౌను వాదోపవాదాలే
ఆహ్లాదమెలికించును ఆత్మీయుల మాటలు
ఔషధాన్ని మించును అనునయమౌ మాటలు
No comments:
Post a Comment