రచన,స్వరకల్పన&గానం:డా. రాఖీ
సోకేను చందన గంధం నీవున్న తావులో
తాకేను దవన సుగంధం నీమేను రేవులో
చెలీ సఖీ ప్రియా పారిజాత పరిమళమే నీ నగవులో
మనోహరీ ప్రేయసీ గులాబీ గుభాళింపే నీ కురులలో
మత్తేదొ కలిగించి గమ్మతు చేస్తుంది
మనసు వశ పరచుకొని ననుచిత్తు చేస్తుంది
1.చీకటిలో దాక్కున్నా పట్టిస్తుంది
నీ ఒంటి నంటుకున్న ఘుమఘుమ వాసన
నీరాకను సైతం తెలుపుతుంది
దవ్వున నువ్వున్నా మొగిలి తావి నీ తనువున
మత్తేదొ కలిగించి గమ్మతు చేస్తుంది
మనసు వశ పరచుకొని ననుచిత్తు చేస్తుంది
2.మోహాన్ని కలిగిస్తుంది
నీ దేహం వెదజల్లే కస్తూరి సౌరభం
మైకంలో ముంచేస్తుంది
నీ మెడవంపు విరజిమ్మే జవ్వాజి పరివాసం
మత్తేదొ కలిగించి గమ్మతు చేస్తుంది
మనసు వశ పరచుకొని ననుచిత్తు చేస్తుంది
No comments:
Post a Comment