రచన,స్వరకల్పన&గానం:డా.రాఖీ
మరలి చూడకే నన్ను మరదలు పిల్లా
మరల మరల చూసావంటే మరి నే నొల్లా
మరువమంటి నిను చూసి పడ్డానే వెల్లాకిల్లా
మరులు రేగ నేనాగడమన్నది కలనైనా కల్లా
1.మరకతమణి చందమే నీదైన అందము
మరంద మధురిమ సమమే నీ అధరము
మరాళాన్ని తలపించు నడకలనీ వయారము
మరుడైనా హరుడైనా ఔతారు పరమునొదిలి నీ పరము
2.మరిచిపోతా నన్ను నేనే నువు గురుతుకొస్తే
మరిమనైనా ఎదిరిస్తా నువు చేయినందిస్తే
మరీచికలా మారకే చెలీ నా జీవన గమనమున
మరియాదతో దేవతగా గుడికడతా నా మనమున
No comments:
Post a Comment