https://youtu.be/H8N2AAtzrDw
*రథసప్తమి శుభాకాంక్షలు*28/01/2023
రచన,స్వరకల్పన&గానం:డా.రాఖీ
తిమిరాన్ని పరిమార్చే అరుణభాస్కరా
జీవదాతవీవే పరంజ్యోతివీవే కరుణాకరా
చంద్రునికోనూలుపోగు చందాన రవీ నీకు నీరాజనం
నీవులేక మనుగడ సాగించలేరు మా ధరణి జనం
1.సప్తాశ్వరథా రూఢుడవు
సప్తవర్ణ సమ్మిళిత కిరణుడవు
కర్మసాక్షివీవు ధర్మం తప్పని వాడవు
నవగ్రహాధినేతవు అనుగ్రహ దేవుడవు
మంగళ హారతిదే మిత్రుడా
అక్షర హారతిదే ఆదిత్యుడా
2.సంధ్య ఛాయల ప్రియ పతివి
యముడు శనిదేవుల పితరునివి
ఆహార ఆరోగ్య వరప్రదాతవు నీవు
ప్రత్యక్ష నారాయణమూర్తి నీవు ఆర్తిని బాపేవు
కర్పూర హారతిదే కమలాప్తుడా
నక్షత్ర హారతిదే నమస్కార తుష్టుడా
No comments:
Post a Comment