రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:బృందావన సారంగ
నా మనము నీవై అనుక్షణము
నీ మనము నేనై అనుదినము
మన మనములు వేరై మనము
దాంపత్యాన ఆధిపత్యం నీదన్నా నాదన్నా మనమేమనము
1.నా నిర్లక్ష్యాన్ని నవ్వుతొ నువ్వు సహిస్తూ
నీ సారథ్యాన్ని హాయిగ నేనూ భరిస్తూ
ముడులు మూడైనా మన జీవిత రథం
ముప్పై మూడేళ్ళైనా సాగుతోంది ఆనందపథం
2.ఆకాశంలో సగమంటే అసలేఒప్పను నేను
సంసారంలో సారం నీవని తప్పక చెప్పుదును
మోసేది నేనైనా నీవే జీవన మార్గదర్శివి
నామ్ కెవాస్తే నేనైనా నీవే కాపురాదర్శివి
No comments:
Post a Comment