*SONG No.6*
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రుచి:పులుపు
రాగం:సిందు భైరవి
కొత్తగా మెదలెట్టు నేడే నీ జీవితం
కోయిల పాటను తెచ్చిందీ వసంతం
గతకాలం అనుభవాలు రేపటి పునాదిగా
క్రోధం తొలగించి మోదం పంచేదిగా
ఈ ఉగాదిగా అరుదెంచె శ్రీ క్రోధినామ ఉగాదిగా
అధిగమించు నేస్తమా కఠిన పరీక్షలు
అందుకో మిత్రమా నా శుభాకాంక్షలు
1.బెల్లం తీపి మామిడి వగరు వేపపువ్వు చేదు
చింతపండు పులుపు ఉప్పు మిర్చి కలుపు
బ్రతుకు ఉగాది పచ్చడి ఆస్వాదిస్తే నీదే గెలుపు
తేవాలి ఈ క్రోధి ఉగాది అనందాలు పొందే మలుపు
అధిగమించు నేస్తమా కఠిన పరీక్షలు
అందుకో మిత్రమా నా శుభాకాంక్షలు
2.పంచాంగ శ్రవణం నీ భవితకు సమాయత్తం
దైవ దర్శనంతో ప్రశాంతత నొందును నీ చిత్తం
చెరగని చిరునవ్వు నీకో వరమౌతుంది తథ్యం
ప్రేమను మించిన పెన్నిధి లేదన్నదే నిత్య సత్యం
అధిగమించు నేస్తమా కఠిన పరీక్షలు
అందుకో మిత్రమా నా శుభాకాంక్షలు
No comments:
Post a Comment