గడపలెన్నొ ఎక్కిదిగి విసిగి వేసరి నే దిక్కు తోచకున్నాను
ఆదరించె మారాజు నీవని నమ్మి నీ పంచన జేరాను
వట్టిచేతులతొ స్వామీ నే వాపసు పోనయ్యా
వరములిస్తెనే గానీ నీ పదాలనొదలనయా
1. గణపతివి నీవె మారుతివి నీవె
శరణంటె కరుణించె సద్గురువు నీవే
హరిహర బ్రహ్మలు ముగ్గురొక్కటైన
సాక్షాత్తు పరబ్రహ్మ దత్తాత్రివీ నీవే
అభయమీయగా ఎవ్వరూ నీ సరి రారయ్యా
వెన్న కంటెనూ మెత్తనిదీ నీ మనసేనయ్యా
2. నిరీక్షించలేనయ్య పరీక్షించ బోకయ్యా
నీ రక్ష కోరి వచ్చాను అయ్యప్పా
భిక్ష పెట్టవయ్య నన్ను-లక్ష్యపెట్టవయ్య
నీ శరణు వేడి వచ్చాను మణికంఠా
కడలి కంటెనూ గొప్పదయా-నీదయ అయ్యప్పా
వెన్నెల కంటెనూ చల్లనయా-నీ చూపు అయ్యప్పా
వెన్నెల కంటెనూ చల్లనయా-నీ చూపు అయ్యప్పా
3. తిట్టినా నువ్వే కొట్టినా నువ్వే
మెడ బట్టి నన్ను వెళ్ళగొట్టినా నువ్వే
పెట్టినా నువ్వె చే పట్టినా నువ్వే-
కడుపార నాకు బువ్వ పెట్టినా నువ్వే
నను గన్న తండ్రివి నీవే మా స్వామి అయ్యప్పా
చావైన బ్రతుకైన నీ తోనే ఓ స్వామి అయ్యప్పా ||వట్టి చేతులతొ||
No comments:
Post a Comment