https://youtu.be/5ElylbfKntQ?si=WJF11Iwl85T8fB4m
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:మాయా మాళవ గౌళ
తుమ్మెదా తుమ్మెదా తుమ్మెదా
బతుకమ్మ తెలంగాణ సంస్కృతీ సంపదా
తుమ్మెదా తుమ్మెదా తుమ్మెదా
భామలకే సొంతమైంది బతుకమ్మ పండగా
పూలన్నీ పలుకుతాయి తుమ్మెదా
ఎదఎదలో సొదలెన్నొ తుమ్మెదా
అందాలు చిలుకుతాయి విరులన్ని తుమ్మెదా
రంగులెన్నొ ఒలుకుతాయి మురిపెంగ తుమ్మెదా
1.తనకూ ఒక రోజొచ్చేను తుంటరి తుమ్మెదా
తంగేడు పువ్వు కూడ నేడు హాయిగ నవ్వె కదా
గుట్టుపట్టు వెతికి పట్టుకొస్తిమా తుమ్మెదా
గునుగు పూవూ సైతం తానూ గర్వించదా
గాలికి పెరిగిన గుమ్మడిపూవు తుమ్మెదా
రాణలెన్నో కుమ్మరించదా తుమ్మెదా
బురదలొ పుట్టిన కలువ కమలం తుమ్మెదా
బతుకమ్మగా ఒదగవా బంగారు తుమ్మెదా
2.హరి చేరువ నోచని బంతులు తుమ్మెదా
సరి నలంకరించునే బతుకమ్మను తుమ్మెదా
గులాబీ చేమంతులూ చిన్నారి తుమ్మెదా
తమవంతుగా అలరించవా బతుకమ్మను తుమ్మెదా
అమ్మగా ఆడపడుచుగా తుమ్మెదా తుమ్మెదా
బతుకమ్మను తలచేమిట తుమ్మెదా
ఆది దేవతగా గౌరమ్మగా తుమ్మెదా తుమ్మెదా
ఆడిపాడి అందరమూ కొలిచేము తుమ్మెదా
No comments:
Post a Comment