https://youtu.be/6VszfsKGay4?si=85eBdeoN_qBES6q8

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం :మధ్యమావతి 

జయ జయ రామా జగదభిరామా నినుగన నీ వాకిట నిలిచాను 

దయార్ద్ర హృదయా భద్రాద్రిరామా దర్శనార్థినై నీముంగిట చేరాను 

ఉత్తరద్వారము తెరచు వరకు నా చిత్తము ఇక నీ పరము 

తలుపులు తీసిన తక్షణము-నీ దివ్య విగ్రహ వీక్షణ వరము 

నేడు ముక్కోటి ఏకాదశి పర్వదినము కోరితి వైకుంఠ ద్వార దర్శనము 

జన్మ జన్మల మా పుణ్య విశేషము-నీ కరుణా కటాక్షమే నిదర్శనము 

1.గుహడను నేను-నీ పదములు కడిగితి నాడు 

శబరిని నేను నీకు ఫలములు తినిపించినాను 

రెక్కలు తెగిన పక్షిని నేను- జానకీ మాత జాడ తెలిపినాను 

నిను వదలక ఎదలో నిలిపిన నీ దాసుడను నీ హనుమను

నేడు ముక్కోటి ఏకాదశి పర్వదినము కోరితి వైకుంఠ ద్వార దర్శనము 

జన్మ జన్మల మా పుణ్య విశేషము-నీ కరుణా కటాక్షమే నిదర్శనము 

2.పరమ పావని గోదావరి పారుతు చేరేను నీ దరి 

భద్రుని వినతిని విని ఇట స్థిర వాస మొందితివి సరి 

రామదాసుని భవ చెఱ విడిపించితివి ఉంచగా నీపై గురి 

*నీ దాసానుదాసుని ఈ రాఖీని బ్రోవగ మరవకు ఏమరి 

నేడు ముక్కోటి ఏకాదశి పర్వదినము కోరితి వైకుంఠ ద్వార దర్శనము 

జన్మ జన్మల మా పుణ్యం విశేషము-నీ కరుణా కటాక్షమే నిదర్శనము