పూర్ణ చంద్ర బింబమా- దివ్య పారిజాతమా
ఏదైన గాని నీకు సాటిరాదులే సుమా

1. నాజూకు నడుము నీకు- సన్నజాజి కానుకా
ఇంపైన నాసిక నీది- సంపెంగ పోలికా
దొండపండు నీ పెదవితో- పోటీకై నిలిచేనా
దబ్బపండు నీమేని ఛాయతో- పందెం లో నెగ్గేనా

2. మీనాలే నీ నయనాలై- మిలమిలమిల మెరిసేనా
కెంపులన్ని నీ చెంపల్లో- తళుకులెన్నొ ఒలికేనా
చక్కనైన నీ పలువరుసల్లో- దానిమ్మలు దాగున్నాయా
గాలికి చెలరేగే కురులే- మేఘాలను తలపించేనా

3. ఊర్వశీ మేనకలు- దిగదుడుపే నీ ముందు
వరూధినీ వర్ణన సైతం- సరిపోదని నేనందు
జగన్మోహినైనా నీవే- భువన సుందరైనా నీవే
కనీ వినీ ఎన్నడెరుగనీ- సౌందర్య దేవత నీవే

4. నీ నవ్వులోనా -నందివర్దనాలు
నీ నడకలో కాళీయ మర్దనాలు
నీ చూపులేనా ప్రేమప్రవర్దనాలు
నీ తలపులే నాకానందవర్దనాలు