అనుమానం నీ బహుమానం
అవమానం నీ అభినందనం
ఇన్నినాళ్ల మన స్నేహం ముక్కలైపోయింది
అనుభూతుల మన సౌధం నేలకూలి పోయింది
1. వేదనా చీకటీ నన్నవరించాయి
ఆనందం వెలుతురు అంతరించి పోయాయి
నూరేళ్ల జీవితం శిథిలమై పోయింది
పండంటి ఈ బ్రతుకు శిశిరమై మిగిలింది
2. కలిసి చేసె రైలు పయనమంతమై పోయింది
మూడునాళ్ళ ముచ్చటగా పరిసమాప్త మయ్యింది
ఈ అనంత పయనానికి గమ్యమనే దెక్కడో
ఈ ఒంటరి బికారికి భవితవ్యం ఏమిటో