https://youtu.be/SQ3dP3ttR1A

జెండా జాతీయ జెండా- మన భారతీయుల కలలే పండా
జెండా మన జెండా- కోట్లాది గుండెల నిండా

చూసీ చూడగనే-ఒక పవిత్ర భావం
మదిలో తలవగనే-సమైక్యతా రాగం

1. కాషాయం ప్రతిఫలించు –హైందవత్వం
తెలుపు రంగు తలపించు-క్రైస్తవ తత్వం
హరితవర్ణమే గుర్తుకు తెచ్చు-ఇస్లాం మతము
ధర్మచక్రమే ప్రబోధించును-లౌకిక తత్వం

చూసీ చూడగనే-ఒక పవిత్ర భావం
మదిలో తలవగనే-సమైక్యతా రాగం

2. నాగరికతకే ప్రతిరూపాలు-హరప్పామొహెంజదారోలు
శాస్త్రపురోగతినిదర్శనాలు-ఆర్యభటావరహమిహిరులు
ఆధ్యాత్మికతపునాదులే-అలరారే హిమాలయాలు
భిన్నత్వంలో ఏకత్వాలే-మన శైలీ సంస్కృతులు

ప్రపంచ మంతటికీ –ఆదర్శం మనదేశం
భారతీయత అంటేనే-జగానికే ఒక సందేశం

3. మందిర్ మస్జిద్ చర్చిలొ కాదు-దేవుడు కొలువుండేది
అణువుఅణువులో నిండి ఉన్నదే కాదా ఆ దైవం
గీతా ఖురాన్ బైబిల్ సారం-మానవతే కాకమరేది
మనిషి మనిషినీ ప్రేమించమనీ-తెలిపేదే మతము

మతమెప్పుడు కారాదు-మారణాయుధం
గతమెప్పుడు తేరాదు-భవితకు సంకటం-ప్రగతికి సంకటం