ఓ గోదావరి-తెలంగాణ ఊపిరి
ఓ గోదావరి-మా ప్రాంగణ జీవఝరి
మా పున్నెఫలమువల్ల- నీ దరిపై పుట్టితిమి
అన్న పూర్ణ నీవై -ప్రాణ భిక్ష పెట్టితివి
1. చిన్ననాట నీ ఒడ్దున -ఆటలెన్నొ ఆడుకుంటి
నిర్భయంగ నీ ఒడిలో-ఈదాడుట నేర్చుకొంటి
కన్నతల్లిలాగ నీ చనుబాలను ఇచ్చావు
కల్పవల్లి లాగ మా పాపాలను కడిగావు
2. నీ నడకల హొయలుతో -సాహిత్యం ఉబికింది
నీ అలల గలగలలో -సంగీతం అబ్బింది
నీ నీళ్ళు తాగి మేము చురుకుదనం పొందితిమి
నీ చలవ వల్లనే మేధావుల మైతిమి
3. నీ కృపతో మా బీళ్ళు -పంటసిరుల నిస్తున్నవి
నీదయతో కన్నీళ్ళు మాదాపుల రాకున్నవి
గౌత’ముని’కి వరమిచ్చిన తల్లీ ఓ గౌతమి
మనసుతో మాటతో తలలు వంచి మొక్కితిమి
OK
No comments:
Post a Comment