వెదికినా దొరకదు దయ నీ లోన
కనుగొనలేదెపుడు కరుణ నీహృదయాన
భోలా శంకరా మార్చుకో పేరైనా
భక్తవ శంకరా సవరించకో తీరైనా
1.తండ్రివి నీవని తలిచాను ఇన్నాళ్ళు
దాతవు నీవని మొక్కాను మొక్కుళ్ళు
నీకూ ఉన్నారుగా ఇరువురు సుతులు
వారివైన చూస్తావా అతీగతీ స్థితులు
పట్టించుకోకనే ముక్కుమూసుకున్నావా
ఇల్లుచక్కబెట్టలేక దేశద్రిమ్మరైనావా
పరమ దయాళా మార్చుకో పేరైనా
కాళహస్తీశ్వరా మరువకు నీ తీరైనా
2.పగవాడు కూడ పెట్టడయ్య ఇంత హింస
మరణమే మేలని భరించక ఈవింత గోస
విషం మ్రింగి కాచినావు లోకాలను సైతం
విషమైనా ఈయలేవ తీర్చకుంటె నా దైన్యం
చక్కదిద్దలేకుంటే నీ పిల్లల జీవితాలు
మన్నుబుక్కనా స్వామినీ కిన్నిగుళ్ళుగోపురాలు
గోకర్ణేశ్వరా ఇదేనా నీ భూకైలాసం
ఎంతకాలమయ్యా నీ ఈ కౄరవిలాసం
కనుగొనలేదెపుడు కరుణ నీహృదయాన
భోలా శంకరా మార్చుకో పేరైనా
భక్తవ శంకరా సవరించకో తీరైనా
1.తండ్రివి నీవని తలిచాను ఇన్నాళ్ళు
దాతవు నీవని మొక్కాను మొక్కుళ్ళు
నీకూ ఉన్నారుగా ఇరువురు సుతులు
వారివైన చూస్తావా అతీగతీ స్థితులు
పట్టించుకోకనే ముక్కుమూసుకున్నావా
ఇల్లుచక్కబెట్టలేక దేశద్రిమ్మరైనావా
పరమ దయాళా మార్చుకో పేరైనా
కాళహస్తీశ్వరా మరువకు నీ తీరైనా
2.పగవాడు కూడ పెట్టడయ్య ఇంత హింస
మరణమే మేలని భరించక ఈవింత గోస
విషం మ్రింగి కాచినావు లోకాలను సైతం
విషమైనా ఈయలేవ తీర్చకుంటె నా దైన్యం
చక్కదిద్దలేకుంటే నీ పిల్లల జీవితాలు
మన్నుబుక్కనా స్వామినీ కిన్నిగుళ్ళుగోపురాలు
గోకర్ణేశ్వరా ఇదేనా నీ భూకైలాసం
ఎంతకాలమయ్యా నీ ఈ కౄరవిలాసం
No comments:
Post a Comment