"పర్యావరణం"
ప్లాస్టిక్కవరు మానండి బాబులూ -
క్లాత్ బ్యాగు వాడండి
పేపర్ ప్యాక్ మేలండి తల్లులూ
ఇకనైనా కళ్ళుతెరవండి
నశించి పోనట్టి వస్తువేదైనా
వసుధకు భారమె ఏనాటికైనా
మట్టిలో కలిసిపోని దేదైనా
ముప్పే ఈ ప్రకృతికి ఎప్పటికైనా
నదులు సముద్రాలు
కలుషితమౌతున్నాయి
జీవజాలమెంతో
అంతరించిపోతోంది
శతాబ్దాల ముందెంతో
హాయిగా ఉండేది
పర్యావరణమే తానుగ
సమతుల్యత నొందేది
మట్టి, లోహ పాత్రలదే
ప్రముఖ పాత్ర బ్రతుకున
నూలువస్త్రాలతో మేనికి
హానిలేని సుఖపోషణ
రాబోయే తరాలనూ
భూమి మీద మననిద్దాం
హాని అంటూ లేనేలేని
స్వర్గాన్నిలపై సృష్టిద్దాం
No comments:
Post a Comment