హరి యొకడు హరుడొకడు
పరిపాలించెడివాడొకడు
పరిమార్చెడివాడొకడు
నరలోక నరకపు చెరలకు కారణుడెవడు కారణకారణుడెవడు

1.మురహరి యొకడు
పురహరుడొకడు
శార్గ్ఙ పాణియొ
పినాకపాణియొ
ధరనిపుడసురుల దునుమగ ఎవడు
మదమణచగనెవడు

 2.శ్రీనివాసుడొకడు
సాంబశివుడొకడు
సంపద వరదుడొ
త్యాగ ధనుడొ
సిరులను కురిపించునెవడో
వరముల మురిపించునెవడో

 3.ధన్వంతరియే నొకడు
వైద్యనాథుడొకడు
రుజలను తెగటార్చునొకడు
స్వస్థత చేకూర్చునొకడు
కరుణ మానిన కర్కశుడొకడు
దయను మరచిన పశుపతి యొకడు

4.జలశయనుడొకడు
జాహ్నవి వరుడొకడు
పాలకడలి తేలేది యొకడు
గంగలో ఓలలాడేది యొకడు
భవజలధిని దాటించునెవడో
కైవల్యతీరం చేర్చేది ఎవడో

https://www.4shared.com/s/fkz0SXN9Sda