మేలుకొంటె మేలురా మత్తునింక వదలరా
బ్రతుకులోని సగభాగం నిదురలోనె వృధారా
సోయిలేని సమయమంత మృతికి భిన్నమవదురా

1.బ్రహ్మీ ముహూర్తపు అనుభూతిని కోల్పోకు
ఉషఃకాల శకుంతాల కువకువలను వదులుకోకు
సుప్రభాత కిరణాల హాయిని చేజార్చకోకు
వేకువనెప్పుడు లోకువగా తలచకు

2.యోగా చేయగలుగు యోగమె యోగమురా
గుండెను నడుపగలుగు నడకయే యాగమురా
వ్యాయామం వేడుకైతె దుర్వ్యసనము చేరదురా
ఆహారపు నియతితో ఆరోగ్యము చెదరదురా

3.కాలుష్యపు నాగుల కోఱలు పీకెయ్యరా
కల్తీ ఆంబోతుల కొమ్మలు విరిచెయ్యరా
ప్లాస్టిక్ మహమారినిక వేయరా పాతరా
పచ్చదనం స్వచ్ఛదనం నీకు ఖురాన్ గీత రా