నేలకున్నంత సహన శీలత
గాలికున్నంత సర్వ వ్యాపకత
కడలికున్నంత నర్మగర్భత
రోదసికున్నంత విశాలత
చేసుకోవాలి నీసొంతము
అనితరసాధ్యమనగ నీ మార్గము

తరువుచెంత త్యాగ నిరతి
త్రాసువలన ధర్మనిరతి
హంసతోటి న్యాయ స్ఫూర్తి
పికమునుండి విజయార్తి
అలవర్చుకోవాలి అనవరతం
ఆదర్శవంత మవ్వాలి జీవితం

పిచ్చుక లోని కౌశలత
పిపీలికానికున్న దక్షత
బకమునకున్న ఏకాగ్రత
మూషకానికున్న రీతి విజ్ఞత
సాధన చేయాలి నిరంతరం
సాధించాలి జీవిత లక్ష్యం

https://www.4shared.com/s/fzbxFMcDwfi