https://youtu.be/lBcfAFl5_uc

ఓ ఓంకారేశ్వరా శివా
ఓ లయకార ఈశ్వరా భవా
కామదహన అజ్ఞాన హనన
గౌరీ రమణ కరుణాభరణా
ఆదియు అంత్యము నీవేనయ్యా
నాహితునిగ నెరనమ్మితినయ్యా

1.నాసేవలు గొన జనియించితివి
నేతరించగ అవతరించితివి
ఋణము తీర్చగ కొమరుడవైతివి
ఓర్పును నేర్పగ ఇడుములనిడితివి
ఎరుగజాలనూ నీ జాలమును
తాళజాలనూ నీ మాయలను
దయగని వేగమే భవా ఉద్ధరించరా
భవజలధిని దాటగ నను సిద్దపరచరా 

2.అలసినాను నే బ్రతుకు పోరులో
చితికినాను ఈ ముళ్ళదారిలో
నువు తలచుకొంటె సవరించలేవా
నువు కనికరిస్తే భవితే పూదోవ
తట్టుకొనకనే నిను తిట్టినేమో
బెట్టువీడి నను చేపట్టు ప్రభో
నిర్లక్ష్యమేలా నా మొరలను సరి విన
గతిలేదు రుజహర నాకిల నిను వినా