https://youtu.be/C8PssuxKQAk
రాగం : ఆనంద భైరవి
రచన, స్వరకల్పన & గానం: డా. రాఖీ
[పల్లవి]
శిశిరం పుష్పిస్తే నిత్య వసంతం
గ్రీష్మం హర్షిస్తే మురియును కురియును వర్షం
బాల్యం వికసిస్తే నవ్య కౌమారం దివ్య సౌందర్యం
కౌమారం పరిణమిస్తే యవ్వన పరువాలకు స్వాగతం
ఆరోహణ ఋతుగీతం మానవ జీవితం
మానిని జీవితం
[చరణం 1]
ఆట పాటల నిన్నటి చిన్నారి బాలిక
పెరిగే కొద్దీ మేని మార్పులు సహజమే ఇక
పుష్పించే వయోలక్షణం స్త్రీకి ప్రకృతి కానుక
తరుణికి తనదంటూ జరిగే తొలి తొలి వేడుక
[పల్లవి]
శిశిరం పుష్పిస్తే నిత్య వసంతం
గ్రీష్మం హర్షిస్తే మురియును కురియును వర్షం
బాల్యం వికసిస్తే నవ్య కౌమారం దివ్య సౌందర్యం
కౌమారం పరిణమిస్తే యవ్వన పరువాలకు స్వాగతం
ఆరోహణ ఋతుగీతం మానవ జీవితం
మానిని జీవితం
[చరణం 2]
పడుచుగా పడతిగా దక్కేదే ఈ గౌరవం
అమ్మకు నాన్నకు ఎదిగే శుభాంగి ఎంతో సంబరం
ఇరుగు పొరుగు బంధుమిత్రులతో పండుగ ఉత్సాహం
ఇంటిల్లిపాదికీ ఆనందభాష్పాలు చిప్పిల్లే నిండగు ఉత్సవం
[పల్లవి]
శిశిరం పుష్పిస్తే నిత్య వసంతం
గ్రీష్మం హర్షిస్తే మురియును కురియును వర్షం
బాల్యం వికసిస్తే నవ్య కౌమారం దివ్య సౌందర్యం
కౌమారం పరిణమిస్తే యవ్వన పరువాలకు స్వాగతం
ఆరోహణ ఋతుగీతం మానవ జీవితం
మానిని జీవితం
[చరణం 3]
మంగళ స్నానాలు నూతన వస్త్రాలు ఆభరణాలు
శుచీ శుభ్రతలు అలంకరణలు పచ్చని తోరణాలు
పసుపు కుంకుమ గాజులు పూలు చీరసారెలు ముత్తైదువలకు వాయణాలు
పెద్దల ఆశీర్వాచనాలు అతిథులందరికీ కమ్మని విందు భోజనాలు
[పల్లవి]
శిశిరం పుష్పిస్తే నిత్య వసంతం
గ్రీష్మం హర్షిస్తే మురియును కురియును వర్షం
బాల్యం వికసిస్తే నవ్య కౌమారం దివ్య సౌందర్యం
కౌమారం పరిణమిస్తే యవ్వన పరువాలకు స్వాగతం
ఆరోహణ ఋతుగీతం మానవ జీవితం
మానిని జీవితం
[చరణం 4]
హద్దుల మధ్యన స్వేచ్ఛ ఎగిరే ముగ్ధగ ఆహ్లాదం
సాధికారత స్వావలంబనే సుదతిగ ప్రాథమ్యం
విద్య ఉద్యోగాలు ఆకాశంలో సగమయ్యే భాగస్వామ్యం
తీర్చిదిద్దుకుంటే తెఱవకు తనదైన తీరైన భవితవ్యం
[ముగింపు]
శిశిరం పుష్పిస్తే నిత్య వసంతం
బాల్యం వికసిస్తే నవ్య కౌమారం దివ్య సౌందర్యం
కౌమారం పరిణమిస్తే యవ్వన పరువాలకు స్వాగతం
ఆరోహణ ఋతుగీతం మానవ జీవితం
మానిని జీవితం
