రచన,స్వరకల్పన&గానం:రాఖీ

ఎన్ని వలపులో
మలుపు మలుపులో
ఎన్ని తలపులో
మూగ మనసులో
విధి చేసే వింత గారడీ
వివరించగ ప్రతి కలమూ తడబడీ

1.ఏ వంక లేనిది ఈ నెలవంక
ఉప్పెనలే ఆపింది రెప్పల వెనక
కాలానికి తానే కట్టుబడి
బంధపు గుప్పిటిలో పట్టుబడి
సర్దుకపోతోంది మదినే సమాధి చేసి
రోజుగడుపుతూ ఉంది కలలను నలిపేసి

2.చేయని తప్పుకే శిక్షననుభవిస్తూ
కట్టబాట్ల సంకెళ్ళు కడదాకా మోస్తూ
మోవిపై నవ్వులు పూస్తూ
లోలోన అనుక్షణం మరణిస్తూ
నటియిస్తున్నది పాత్రోచితంగా
బ్రతుకుతోంది జీవశ్చవంగా