శ్వేతాంబరధారీ-మాతా కృపాకరీ
వీణామృదునాద ప్రియకరి శుభంకరీ
మందస్మితవదనారవింద వాగీశ్వరీ
వినుతింతు సదా నీ కృతులనే
విన్నవింతు నెరవేర్చ నా వితులనే

1.తలపుల నువు నిలిచి-మరపుని తరమనీ
గళమును నువు మలచి-మార్ధవమే కురవనీ
నా ఎదలో సుస్థిరపడి-అజ్ఞానము వెరవనీ
నన్ను నేను తెలుసుకొనగ-నా బ్రతుకే మురవనీ
నా జన్మ ముగియనీ

2.సంగీత సాహితీ గంగలు నను ముంచనీ
వాదనలో వాదములో కుశలత మరి మించనీ
మాధుర్యము ఔదార్యము జగతికి నను పంచనీ
విద్యలకే శ్రీ విద్యవు-నీ ఎరుక నాలొ దీపించనీ
అహమును వంచనీ