కోరడానికొక్కటైన వేరే కోరిక లేదు
తీర్చడానికిప్పటికీ నీకు తీరిక లేదు
నువ్వుత్త గారడోడివి-నువ్వొట్టి మాయగాడివి
సాయి నువ్వు గరీబా-బాబా నీ కింతటి డాబా

1.షిర్డీ దర్శించినా  దుఃఖము హరియించలేదు
సిరిసంపదల ఊసు అసలే ఎత్తలేదు
మము రక్షింతువన్న మాటనీటి మూటాయే
త్రికరణశుద్ధిగా శరణన్నా వినవాయే
కాలహరణమే గాని కరుణించక పోతివి
సమాధిమీదనీవు కొలువైన ఒక రాతివి

2.గుడ్డిగా నిను నమ్మితిమి దృష్టిని సారించవేమి
మా భారము నీదంటిమి ఇంతటి తాత్సారమేమి
పరిపరివిధముల నిను ప్రార్థనైతె జేసితిమి
నీగుడి మెట్లన్నీ ఎక్కిఎక్కి అలసితిమి
నీ ఉనికిని చాటుకొనగ నీదే ఇక తరువాయి
నీ పటమైనా పలుకునన్న నీవాక్కును నిజం చేయి