మోయలేని తీయదనం నీ ఆలింగనం
ఓపలేని కమ్మదనం నీ చుంబనం
తనవులోని అణువణువు
తాకినంత  మ్రోగు వేణువు
చెఱకువింటి వేలుపు చూడని
నీ మేనే  సుమధనువు

1.ముట్టుకుంటె కందిపోయే
నీ అందచందాలు
పట్టుకుంటు జారిపోయే
నవనీత చందాలు
పెదాలలో జాలువారే
మందార మకరందాలు
మెడవంపు వెచ్చదనంలో
శ్రీ చందన గంధాలు

2.చెవితమ్మెలు రసనకు
 పుట్ట తేనె పట్లు
చెక్కిలిపై  పల్లే ఉలులై
చెక్కేటి మెత్తటి గాట్లు
గుట్టు విప్పడాని కొరకు
పడరాని వింతపాట్లు
ప్రావీణ్యం ఎవ్వరిదైనా
నెగ్గుతాయి ఇరుజట్లు