రచన,స్వరకల్పన&గానం:రాఖీ

గంగను వదలరా-బెంగను తీర్చరా
జంగమదేవరా-సరగున బ్రోవరా
గౌరీమనోహరా-అర్ధనారీశ్వరా

1.సంతత ధారగ నీకభిషేకమునొనరింతుము
నమకచమక స్త్రోత్రాలతొ నినుకీర్తించెదము
గోవర్ధన గిరిధారిని నీ సరిపూజించెదము
ఋష్యశృంగుడిని పరవశునిగ చేసెదము
తాగునీటి కష్టాలు కడతేర్చరా
సాగునీటి వనరులన్ని పొంగిపొరలనీయరా

2.కప్పల పెళ్ళిచేతుము తిప్పలు తప్పించరా
మేఘమథనమూ జేతుము వానలు రప్పించరా
పెద్దయ్య గజాలనే ఊరేగింతుమురా
ఇంటింటికి చెట్లుపెంచి ఇలస్వర్గము చేతుమురా
తాగునీటి కష్టాలు కడతేర్చరా
సాగునీటి వనరులన్ని పొంగిపొరలనీయరా

3.అన్నపూర్ణ కడుపునింపు గతినిక గానరా
అన్నదాత పంటపండు తెరువిక చూడరా
పాతాళ గంగను పెల్లుబుక జేయరా
ఆకాశగంగను నదుల పారనీయరా
తాగునీటి కష్టాలు కడతేర్చరా
సాగునీటి వనరులన్ని పొంగిపొరలనీయరా