ఎందుకో ఏడుస్తోంది వాయులీనము
ఎందుకో మరి వెక్కుతోంది వేణుగానము
కళ్యాణి రాగమైనా కాంబోజి రాగమైనా
రేవతియే అనిపిస్తోంది,శివరంజని వినిపిస్తోంది

1.బావురుమని దుఃఖిస్తే మదిభారం తీరుతుంది
వెతను కథగ వివరిస్తే గుండె తేలికౌతుంది
ఊరడించు వారుంటే మనసు కుదుట పడుతుంది
దిగమింగితేనె వ్యథతో బ్రతుకు నరకమౌతుంది
మోహనే వీణియపైన ముల్తాను పలుకుతోంది

2.తల్లికీ బిడ్డకూ పుట్టుకలో యాతనా
అప్పగింతలెప్పటికీ తెగని వేదనా
అడుగుగున మనిషిజీవితం-అంతులేనిబాధేనా
అంతిమ యాత్రలోను అశ్రునయన రోదనా
అభేరినే పాడినా శహనాయే శహనాయ్ వాదనా