ముడిచిన పెదవులు ముద్దొస్తుంటే
ముందుకొచ్చి మరిమరీ ముద్దిస్తుంటే
ఆగడం తరమా చెలియా ఆనాటి ప్రవరునికైనా
నిలువవశమౌనా ఏ ముని వరునికైనా

1.ఆకళ్ళు పెంచేనూ ఆ సోగ కళ్ళు
చూపులే పంపేనూ ప్రణయలేఖలూ
ప్రపంచాన్ని పాదాక్రాంతం చేస్తె తప్పేముంది
జగమంత దాసోసం అనడంలొ గొప్పేముంది
ఒక్కనవ్వుకోసం లక్షసార్లు చావొచ్చు
చిన్ననవ్వుకోసం జన్మలెన్నొ ఎత్తొచ్చు

2.నీ చెలిమి కోసం అందరిని వీడొచ్చు
నీ స్పర్శకోసం సంద్రాలు ఈదొచ్చు
నీ పొందు ముందర స్వర్గసౌఖ్యం దండగ
నువు చేయినందిస్తే బ్రతుకంతా పండగ
ఊరించకేచెలీ  ఊహలోనైనా
వారించకే నన్ను స్వప్నమందైనా