రచన,స్వరకల్పన&గానం:రాఖీ

ఎన్నికారణాలో ఏడ్వడానికి
కంటిఊటలన్నవీ ఇంకిపోవు ఎన్నటికీ
తిండి దొరకక కొందరి ఏడుపు
తిన్నదరగక ఎందరి ఏడుపు

1.ఓర్చుకోలేని బాధ ఒక ఏడుపు
ఓర్వలేని తనమైతే వింత ఏడుపు
తోచకున్న సమయమంతా అదో ఏడుపు
కరిగిపోయే కాలంతో ఎంత ఏడుపు

2.ఓడిపోయి ఏడిస్తే గొడవేలేదు
గెలిచికూడ ఏడ్చే దుర్గతి ఎంతటి చేదు
ఏడ్వడానికోసమే అన్ని జీవితాలు
ఏడుపూ మనిషెపుడు చితిదాక నేస్తాలు

3.మౌనంగా రోదిస్తారు మనసులోనే
వెక్కివెక్కి ఏడుస్తారు రెప్పలవెనకే
బావురుమని ఏడుస్తేనే తీరుతుంది భారం
విషాదాన్ని పలికేరాగం ఆనందతీరం