రచన,స్వరకల్పన&గానం:రాఖీ

అవతరించేరు సద్గురువులు జగాన
వినిన తరించేరు జనులు వారి బోధన
ఉద్ధరించేను గురువు కంకణబద్ధుడై శరణన్న
అల్పబుద్ధి శిశ్యుడైన జ్ఞానిగమారేను గురుదేవుని కరుణయున్న

1.అత్రి అనసూయలకు శ్రీ దత్తుడిగా
శ్రీపాదవల్లభుడు  నృసింహ సరస్వతిగా
గురుమహిమలు తెలిపినాడు నాడు
గురులీలలు ఎన్నెన్నో కనబరచినాడు

2.షిరిడిలోన వెలిసాడు సాయిబాబగా
అక్కల్కోటలోన స్వామి సమర్థగా
షేగాఁవ్ లొ గజానన్ మహరాజ్ గా
ధరను వెలిగినారు దయను పంచగా

3.మహావతార్ బాబాగా మహిని ఉన్నాడు
అవతార్ మెహర్ బాబాగా కీర్తిగొన్నాడు
పుట్టపర్తి సాయిగా  ప్రేమనుకురిపించాడు
శ్రీరమణ మహర్షిగా సమభావం చూపాడు