ఎలా వేగినావో కిట్టయ్యా
ఎనిమిది మందికి పెనిమిటిగా
ఎట్లా కొనసాగినావొ నల్లనయ్యా
వేలమంది గోపెమ్మల చెలికానిగా
రాధమ్మకు  ప్రియుడిగా
మీరా కొలిచే మాధవుడిగా
జంతర్ మంతర్ మాయగాడివే నువ్వు
కనికట్టుతొ పడగొట్టే గారడోడివేనువ్వు

1.భరించినావు బామ్మర్దిని నూరుతిట్లకాడికి
మితిమీరినంతనే మితికి ఒప్పజెప్పావు
దరమందప్పని అత్త కుంతి కొడుకులైన
పాండవులకెప్పుడు అండగ నిలిచావు
జంతర్ మంతర్ మాయగాడివే నువ్వు
కనికట్టుతొ పడగొట్టే గారడోడివేనువ్వు

2.చీరలెత్తుకెళ్ళావు గొల్లభామలెందరివో
 బుద్ధి చెప్పినావు దేహచింత వదలమని
నిండుకొలువునందు నిను వేడగ పాంచాలికి
కోకలిచ్చి కాచావు తనమానం పదిలమని
జంతర్ మంతర్ మాయగాడివే నువ్వు
కనికట్టుతొ పడగొట్టే గారడోడివేనువ్వు