శివనామమెంత మధురము
శివపూజ ఎంత సులభము
హరుని హృదయమంతా కారుణ్యము
మరుని హరుని సేవిస్తే కైవల్యము,కైలాస వాసము
శివ శివ హరహర శంభో మహాదేవా-

ఓం నమఃశివాయ ఓం నమఃశివాయ

1.కోవెల కనరాకుంటే నదితీరమైన చాలు
లింగము దరిలేకుంటె సైకతముదైన చాలు
పంచామృతాభిషేకమేల దోసిలి జలమైన మేలు
డంభాలంకారములేల చిటికెటుడువిభూతి చాలు
దిగంబరుడు శుభంకరుడు చిన్మయానందయోగి పుంగవుడు
శివ శివ హరహర శంభో మహాదేవా-

ఓం నమఃశివాయ ఓం నమఃశివాయ

2.నమ్మికొలువ తమ్మిపూలె మెచ్చుతాడు
మనసార అర్పిస్తే మారేడు పత్రిచాలు
విమలబుద్ధి నర్చించగ కమలాలైన చాలు
పత్రంపుష్పంఫలంతోయం శివుని కైంకర్యాలు
గంగాధరుడు చంద్రచూడుడు రుద్రాక్ష మాలా ధారుడు
శివ శివ హరహర శంభో మహాదేవా-

ఓం నమఃశివాయ ఓం నమఃశివాయ