రచన,స్వరకల్పన&గానం:రాఖీ
రాగం:మాల్కోస్

ఏం రాత రాసాడు నీ పెనిమిటి
నా బ్రతుకంత చేసాడు కడు చీకటి
నాలుగు తలలున్న బహునేర్పరి
నను బలిచేయగ వింతే మరి
పలుకుల పూబోడి నీ దాసుడి
అలజడి మాన్పవే బ్రహ్మక్రొత్తడి

1.ఉండనీయడమ్మా ఉన్నచోట
పండనీయడమ్మా ఏ పూట
దండగైపోయిందీ మనుజ జన్మ
అనుభవించి తీరాలి పూర్వ కర్మ
ఆమాత్రం నువ్వాదరించకుంటెనో
ఆగమై పోయేవాణ్ణి విద్దెలమ్మా

2. ఏ కొఱతాలేదనీ విర్రవీగనా
కొఱతవేసినందుకు నేనేడ్వనా
అడగకున్న ఇచ్చాడని నమ్మికొలువనా
ఉన్నదూడ్చివేసాడని దెప్పిపొడవనా
కన్నతండ్రి కుండకుంటె ఏ కనికరము
ఆ బిడ్డల మనుగడయే నిత్యనరకము