వెదకబోయిన తీగవీవే
ఎదను కదిలించిన  అనురాగ మీవే
విగతజీవికి బ్రతుకు నిచ్చే సుధవు నీవే
మోడువారిన జీవితానికి తొలకరివి నీవే,రసఝరివి నీవే

1.నా ఎడారి దారుల సరోవరానివే
నా శార్వర యామినిలో నిగారానివే
నా చింతను తీర్చెడి చింతామణివే
నా మనాది మాన్పెడి ఔషధానివే
నన్ను అలరించెడి అలివేణివే,పూబోణివే

2.నా తలపుల వెలిసేటి ఇంద్ర ధనుసువే
నా ఊహల వెలిగించే తొలి రుచస్సువే
నా స్వప్నలోకాల సౌందర్య దేవతవే
ఆనంద తీరం చేర్చే దిక్సూచి నీవే
నన్ను మురిపించెడి నవమోహినివే,ప్రియరాగిణివే