రచన,స్వరకల్పన&గానం:రాఖీ

సహజమైన అందం-నిజమైన సౌందర్యం
పరుగెత్తే లేగదూడలా-బెదిరేటి లేడికూనలా
ఎగురుతున్న తూనీగలా-సీతాకోక చిలుకమ్మలా
తిలకించిన ప్రతి నయనం-చెప్పినారెప్పలే అల్లార్చదుగా
పులకించిన ప్రతి హృదయం-ఆనందడోలికల్లో తేలియాడుగా

1ఉషోదయ తుషార బిందువై
ఆహ్లాద పరచునులే
పడమటి సంధ్యారాగంలా
మోదాన్ని చేకూర్చునులే
సిరిమల్లెలా-చిరునవ్వులా
అనుభూతినొసగునులే సొగసు

2.ఎడారిలోని సరస్సులా
దాహాన్ని తీర్చును లే
చిరుజల్లుకు హరివిల్లులా
నింగికి వన్నెలు చేర్చునులే
ఎగిరే కొంగల జట్టులా-అందిన తేనె పట్టులా
పరవశింప జేస్తుంది సోయగం

3.ఊరికే ఉరికే కొండవాగులా
వయ్యారాలు పోతుంది
నోరూరించే పాలమీగడలా
లొట్టలేయజేస్తుంది
కోడి పిల్లలా-చిన్ని మేకలా
చిక్కీచిక్కకుంటుందీ చక్కదనం