జగన్నాటక సూత్రధారి
అర్ధనిమీలిత నేత్ర మురారి
భక్తజన హృదయ విహారి
భావయామి భజియించెద నిను శౌరి
1.అంతరంగాన చూపావు అఖిలాండ విశ్వాన్ని
యుద్ధరంగాన ఆవిష్కరించావు ఆ విశ్వరూపాన్ని
మామూలు మనిషిలాగ కొంటెపనులు చేస్తావు
మాయతెరలు కప్పేస్తూ భ్రమలో ముంచేస్తావు
లీలామానుష వేషధారి శ్రీ హరి
చిత్తములో నిను నిలిపెద శిఖిపింఛమౌళి
2.నడిపేదినీవే ప్రతిఅడుగు భుక్తి కుడిపేది నీవే
గడిపేదినీతోనె అనుక్షణము అంతరాత్మగానే
కర్తవునీవని కర్మవూనీవని గీతన బోధిస్తావు
కర్తవ్యపాలనకై మము ఉద్యుక్తులచేస్తావు
జయ జనార్ధనా గోవర్ధన గిరిధారి
నా జీవన సారథీ వనమాలీ చక్రధారి
No comments:
Post a Comment