రచన,స్వరకల్పన&గానం:రాఖీ
రాగం:తిలాంగ్

అందనిదానికోసం అర్రులు సాచడం
అరిచేతిలొ ఉన్నదేదో జార్చుకోవడం
ఎందుకీ పరుగులవేట ఎండమావుల వెంట
దేనికీ వెంపర్లాట ఇంద్ర ధనుసు భ్రాంతే కంట

1.సుందరాంగుల పొంగులన్నీ-సబ్బునీటి బుడగలంటా
అందంగా బులిపిస్తాయి-అందుబాటుకొస్తాయి
పట్టుకోబోతే ఎగిరి పోతాయి
ముట్టుకోబోతే పగిలిపోతాయి
ప్రకృతి సౌందర్యమంతా నయనానందకరమే
స్త్రీఆకృతి రహస్యమంతా చిదంబర శంకరమే

2.గతము తలచి వగపు-భవితకెంతొ ఎదిరిచూపు
వర్తమానమే మటమాయం-కన్నమూసి తెఱిచే లోపు
బ్రతుకు దారబోసి మితిమీరి ఆర్జించేవు
తేనెటీగలాగా శ్రమతొ పోగుచేసేవు
అనుభవించడానికి జీవితమే కరువౌతుంది
జ్ఞానోదయమయ్యే సరికి చావుచేరువౌతుంది