కదిలిస్తే కవిత్వం
స్పందిస్తే సంగీతం
నీ సహవాసం అనునిత్యం
నువు నవ్వితే రసరమ్యం
ఆనందమే నా గమ్యం

1.మది ఆడుతోంది మయూరమై
నీ మధుర గానానికి
సడిరేగుతోంది అలారమై
నీ మేని గంధానికి
బృందామనమైంది జీవనం
నీ పాదం మోపినంత మేరకు
నందనవనమౌతుంది ప్రతిదినం
నీతో గడిపినంత వరకు
సాగనీ మనమైత్రి కడదాకా
చేరనీ స్నేహగంగ కడలిదాకా

2.గుండెకొట్టుకుంటుంది అందరికీ
లబ్ డబ్బనీ
నా హృదయమేమొ పలవరిస్తుంది
నీ పేరుని
సమయమాగకుంటుంది ప్రతివారికి
టిక్ టిక్కనీ
క్షణం కదలనంటుంది గడిపేదెలా
నువువినా ప్రతిరోజుని
కలవలేని నేస్తమా కలనైనా చేరవా
కునుకైనా లేనినాకు అదికూడ సాధ్యమా