ఇది వింతలున్న ప్రపంచం
ఇది చింతలున్న ప్రపంచం
ఎంతగా ఆరాట పడినా
మరెంతగా ఉబలాట పడినా
ఎవరికెంతనో అంతే ప్రాప్తం
అదే కదా లలాట లిఖితం

1.ప్రయత్నిస్తేనే ఫలితం సొంతం
ఫలితమేదైనా అదినీసొంతం
గెలుపుకు ఓటమికీ తేడా ఇసుమంతమాత్రం
కృషిఉంటేనే తీరుతుంది ఆత్రం

2.నీకోసం వెతకదెపుడు అవకాశం
అందిపుచ్చుకోవాలి దొరికిన నిమిషం
పట్టామా వదలవలదు పట్టుదల
గుప్పిటి లక్ష్యాన్ని చేయబోకు విడుదల

3.విశ్వాసమె ఒక చాకు
వాడడం తెలియాలి నీకు
పండునూ కోయవచ్చు సులువుగా
గుండెలో దించవచ్చు మాయగా

4.ఉన్నతి నిచ్చేది వేదాంతం
అధోగతి చేర్చేది వైరాగ్యం
కర్తవ్యపాలనే గీతా సారం
యథాతథ జీవితం ఆనందయోగం