రచన,స్వరకల్పన&గానం:రాఖీ
రాగం:హరికాంభోజి

బ్రతుకెంత నరకం
నువు వినా అనుక్షణం
నీ ప్రతీక్షలో ప్రతినిమిషం
మనలేను ఈ విరహం

1.అరచేతిలో స్వర్గంచూపించినావు
ఊహల పల్లకీ నెక్కించినావు
గాలిలో మేడలెన్నో కట్టింపజేసావు
నీటిపై రాతలెన్నో రాసేసినావు
నాదానివేనంటు బాసలే చేసావు
తృటిలోనే మటుమాయమై పోయినావు

2.ప్రేమకు మారు పేరే నమ్మిక
వంచించబోకే నను నీవిక
అంకితమైనాను నీకే ప్రేమిక
శూన్యమయ్యింది నా జీవిక
పిచ్చెక్కిపోతోంది నువులేక నాకు
గోదారె దారాయె కడకు