OK

అక్షరాలే వెన్నెల్లో ఆడుకునే ఆడపిల్లలు
అక్షరాలే అట్లతద్ది నోముకునే ముద్దు గుమ్మలు 
అక్షరాలు తెలుగింటి ఆడపడుచులూ
అక్షరాలే కుంచెను మురిపించే బాపు బొమ్మలు

చ1.గోరింటాకు సొగసులతో ఒక అక్షరం
సంక్రాంతి ముగ్గులతో ఒక అక్షరం
తలకునీళ్ళోసుకొని ఒక అక్షరం
తులసికోట చుట్టు తిరుగునొక అక్షరం
ఓరచూపు విసిరేస్తూ ఒక అక్షరం
కొంటెనవ్వు వలవేస్తూ ఒక అక్షరం

చ2.పట్టు పావడాతో ఒక అక్షరం
పరికిణీ ఓణీలతొ ఒక అక్షరం
పాపిటి బిళ్ళతో ఒక అక్షరం
పట్టీల పాదాలతొ ఒక అక్షరం
బుగ్గసొట్ట గాలమేస్తు ఒక అక్షరం
సిగ్గులొలకబోస్తూ ఒక అక్షరం