ఏ కన్ను ఊరుకుంటుంది-చూడకుండా
ఏ పెన్ను మిన్నకుంటుంది-రాయకుండా
చూపుల్లో సూదంటు రాయిలుంటే
 పెదవుల్లో కవ్వింపు నవ్వులుంటే

1.అలంకారమెరుగని అందచందాలు
అహంకార రహితమైన హావభావాలు
చూస్తూండిపోవచ్చు జీవితకాలం
అనుభూతిచెందకుంటె వృధా ఆ జన్మం

2.కళ్ళు తిప్పుకోలేని నిస్సహాయత
రెప్పలల్లార్చలేని నిశ్చేష్టత
సహజమైన సౌందర్యం కుంచెకు లొంగదు
వర్ణనాతీతమైన సోయగం కవితకు అందదు