రచన,స్వరకల్పన&గానం:డా.రాఖీ
విరబోసిన నీలికురుల కృష్ణఝరిని కానా
అరవిరిసిన విరజాజిగ నీ జడను చేరిపోనా
ముగ్ధమోహనం నీ వదనం
మకరంద సాగరం నీ అధరం
బొట్టునై వెలగనా నుదుటన
పుట్టమచ్చనై మెరవనా పెదవంచునా
1.సోయగాల నల్లకలువలే నీకళ్ళు
మిసమిసలొలికే రోజాలే చెక్కిళ్ళు
శంఖమంటె ఏమిటో తెలిపే నీ కంఠము
పసిడివన్నె పరిఢవిల్లు నీసుందర దేహము
ఏ జన్మలోను చెలికానిగాను నను మనని
ఈసారికైనా ఆలకించవే నీ దాసుని మనవిని
2.ఊరించే చూపులు ఉడికించే నవ్వులు
తెలిపేను ఎదలోని ఎన్నెన్నో మర్మాలు
నీ మౌన గానాలు కుదిపే నా పంచప్రాణాలు
గుచ్చుకున్నాయెన్నో గుండెకు విరుల బాణాలు
అలరించవే చెలీ ననుచేరి ఆమని భామినిగా
మన జీవనమే పరిణమించగా బృందావనిగా
విరబోసిన నీలికురుల కృష్ణఝరిని కానా
అరవిరిసిన విరజాజిగ నీ జడను చేరిపోనా
ముగ్ధమోహనం నీ వదనం
మకరంద సాగరం నీ అధరం
బొట్టునై వెలగనా నుదుటన
పుట్టమచ్చనై మెరవనా పెదవంచునా
1.సోయగాల నల్లకలువలే నీకళ్ళు
మిసమిసలొలికే రోజాలే చెక్కిళ్ళు
శంఖమంటె ఏమిటో తెలిపే నీ కంఠము
పసిడివన్నె పరిఢవిల్లు నీసుందర దేహము
ఏ జన్మలోను చెలికానిగాను నను మనని
ఈసారికైనా ఆలకించవే నీ దాసుని మనవిని
2.ఊరించే చూపులు ఉడికించే నవ్వులు
తెలిపేను ఎదలోని ఎన్నెన్నో మర్మాలు
నీ మౌన గానాలు కుదిపే నా పంచప్రాణాలు
గుచ్చుకున్నాయెన్నో గుండెకు విరుల బాణాలు
అలరించవే చెలీ ననుచేరి ఆమని భామినిగా
మన జీవనమే పరిణమించగా బృందావనిగా
No comments:
Post a Comment