https://youtu.be/31U5bXfGI9M?si=cQig3kampIpMw2Fl

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:శివరంజని

నీదీనాదీ ఒకటే దేశం
మనలో మనకు ఎందుకు ద్వేషం
వేరనడానికీ నెపములెన్నెన్నో
మనమొకటని భావించగా-కారణమొకటైన దొరకదా
బోలో భారత్ మాతకీ జై-బోలో దునియాకీ జన్నత్ కో జై

1.నేను నా కుటుంబం నా వీథి నాఊరు
నా జిల్లా నా రాష్ట్రం అంటూ విడివడతారు
నా శాఖ నా కులము నా మతమే శ్రేష్ఠము
 నా యాస నా భాష నా ప్రాంతమె నా కిష్టము
పెంచుకోర సోదరా హృదయ వైశాల్యము
కలుపుకుంటె నీదిరా సువిశాల భారతం
బోలో భారత్ మాతకీ జై-బోలో దునియాకీ జన్నత్ కో జై

2.జాతీయస్ఫూర్తియే భరతావనికి పెట్టని కోట
ఐకమత్య లౌకికతే ఇంటా బయట భద్రతకు బాసట
ఘనములకు ఝరులకు జలధికి అనుబంధం
ఒకే దేశ ప్రజాస్వామ్య వారసులం మనకెందుకు భేదం
చేయి చేయి కలుపరా  ప్రగతి బాట పట్టరా
ఎదను ఎదుటను ఎదురౌవైరులను తరిమితరిమి కొట్టరా
బోలో భారత్ మాతకీ జై-బోలో దునియాకీ జన్నత్ కో జై