మోము చూస్తే అమాయకం
మాటసైతం మకరందం
నమ్మరాదు నటనలెరిగిన నారీమణులను
వలపుపేరిట వలలు వేసే నెరజాణలను

1. లేడికన్నుల కదలికలు
వాడిచూపుల కవళికలు
క్రీగంటిబాసల చిలిపి లిపితో
పలుకుతారు స్వాగతాలు
పంటినొక్కుల వింతసైగతో
తెలుపుతారు మనోభావాలు
మత్తునే  చల్లుతారు కోమలాంగులు
మాయలో ముంచుతారు నీరజాక్షులు

2.లొంగినట్టే వాపోతారు
బేలగానే అగుపిస్తారు
మెల్లమెల్లగ అల్లుకుంటూ
హృదయమాక్రమిస్తారు
లాఘవంతొ కమ్ముకుంటూ
బ్రతుకు కొల్లగొడతారు
దృక్కులతో తృప్తిపడు ఓ నేస్తమా
దూరముండి హాయినొందు ఓ మిత్రమా