https://youtu.be/by95PAwSIdQ?si=Y4wEOpPMLKZCqe3b

అనునిత్యం ఒక కొత్తదనం
నిన్నకు నేటికి వ్యక్తివికాసం
ఋతుచక్రపు భ్రమణం గతస్మృతుల స్మరణం
మనిషి మనుగడకు ఏదైతేనేం అవలోకనం
ప్రతి దినం తొలికిరణం పునశ్చరణం
హాప్పీ న్యూ ఇయర్!  ఆంగ్లవత్సరాది శుభకామనలు!!

1.పుట్టిన నాడే పుడమిని చూడగ హ్యాప్పీ ఆరంభం
మెట్టినింటిలో కాలు మోపెడి కొత్త కోడలికి హ్యాప్పీ ఆరంభం
పండిన పంటల రైతుల కంటిలొ హ్యాప్పీ ఆరంభం
పరీక్ష నెగ్గగ బ్రతుకు తెరువుకై ఉద్యోగికి హ్యాప్పీ ఆరంభం
హాప్పీ న్యూ ఇయర్!  ఆంగ్లవత్సరాది శుభకామనలు!!

2.మళయాలీలకు విషు నాడే వత్సరాది వైభోగం
మహరాష్ట్ర గుడిపాడ్వా తమిళనాట పుత్తాండు
సిక్కులందరికి వైశాఖీ బెంగాలీలకు పొయ్ లా బైశాఖీ
తెలుగువారికి కన్నడిగులకు ఉగాదియే సంవత్సరాది
హాప్పీ న్యూ ఇయర్!  ఆంగ్లవత్సరాది శుభకామనలు!!


3.దురలవాట్లను దూరముంచెడి నిర్ణయాలకు ఆహ్వానం
మంచిని కూర్చే సంకల్పాలకు ఎప్పటికైనా స్వాగతం
మానవత్వపు తత్వం నేర్వగ జగానికే జాగృతి గీతం
ఆనందాలు వెల్లివిరియగా  మిత్రులకిదియే సుప్రభాతం
విష్ యూ హాప్పీ న్యూ ఇయర్!  ఆంగ్లవత్సరాది శుభకామనలు!!