రచన,స్వరకల్పన&గానం:డా.రాఖీ


హాయి అంటె తెలిసింది చెలీనీ వల్లనే
అనురాగపు జాడలన్నీ నీ ఎదలోనే
నీ జ్ఞాపకాలన్నీ మధురానుభూతులే
నీ సన్నిధిలో క్షణాలు ఆహ్లాద హేతువులే

1.కవితలేల జవరాలా కావ్యాలు రాయనా
నువునడిచే దారిలోనా పూబాట వేయనా
పున్నమికై ప్రతీక్ష ఏల నీ కన్నుల కనుగొననా
మల్లెలకై వెతకగ నేల నీ నవ్వుల ఏరుకొననా

2.ఏనాడు కలిసావో అదియే సుముహూర్తము
ఏ చోట ఎదురైనావో అది పవిత్ర ధామము
మనసులే వేసుకున్నాయీ విడివడని మూడు ముళ్ళు
చినుకులే రాలి అయినాయి మనకు తలంబ్రాలు