రచన,స్వరకల్పన&గానం:రాఖీ

ఎదురు దెబ్బలెన్నితాకినా
ఎంతమంది ఈసడించినా
స్నేహం ముసుగులో పరాన్నబుక్కులు
వంచన పంచనజేరిన పరమ మూర్ఖులు
దేవుడైనా బాగుచేయలేడు ఇటువంటి నరులను
ఇచ్చిన మాటనిలుపుకోలేని ఈ మనుషులను

1.ప్రతిభ ఎంత ఉంటేమి నియతిని పాటించకుంటే
ఎంతనేర్పరైతేమి నిబద్ధతకు విలువీయకుంటే
అరచేతిలొ వైకుంఠం చూపుతామంటారు
చెప్పులరిగినా పనిపూర్తికి రేపుమాపంటారు
చేజేతులారా భవిత చంపుకొంటారు
తెలిసిమరీ ఊబిలోకి దిగుతుంటారు

2.మోసమంటే తమతత్వం కాదంటారు
ప్రతిసారీ కొత్తకథలు అల్లుతుంటారు
అందరినీ అన్నిసార్లు నమ్మించ బూనుతారు
బోల్తా కొట్టించబోయి బోల్తాపడుతుంటారు
జాలిపడుట వినా ఎవరేమి చేయగలరు
నొప్పింపక తానొవ్వక తప్పించుకతిరుగుతారు