రచన,స్వరకల్పన&గానం:రాఖీ

ముద్దబంతి పూవులాంటి ముగ్ధత్వం
ముద్దమందారమంటి మృదుత్వం
గులాబీరేకువంటి స్నిగ్ధత్వం
తంగేడు పూవులాంటి నిర్మలత్వం
ఎంతముద్దుగున్నావే మనవరాలా
ఎత్తుకొని ముద్దాడుదు మమతమీర

1.మీ అమ్మలోని సునిశితత్వం
అమ్మమ్మలోని అతులిత లౌక్యం
మీ నాన్నలోని ధీరత్వం
తాతయ్య లోని బోళాతత్వం
పుణికిపుచ్చుకున్నావే చిన్నారి
వృద్ధిలోకిరావాలి మాకోరిక నెరవేరి

2.ముక్కోటి దేవతలు దీవించగా
ఇలవేల్పు దయనీపై వర్షించగా
నువు ఆటపాటలతో అలరించగా
నీముద్దు మురిపాలు మురిపించగా
నిత్యసంతోషిణివై వర్ధిల్లవే
నిండునూరేళ్ళూ వెలుగొందవే