రచన,స్వరకల్పన&గానం:డా.రాఖీ

ఆటలాడినా నీతోనే-పాట పాడినా నీతోనే
సయ్యాటలాడినా నీతోనే-సాపాటు చేసినా నీతోనే
నేస్తమా నా సమస్తమా-స్నేహమా తీరని దాహమా
పున్నమి నెప్పుడొ మరిచానే-నిత్యం వెన్నెల నీమేనే

1.ఎన్నో నా కలవరాలే-నిను చూడగ వరాలాయే
కల్లోల మహా సాగరాలే  -ప్రశాంత సరోవరాలాయే
దివ్యత్వం నీ మోములో-నవ్యత్వం నీ మోవిలో
వలపులు చిలికే చిలుకవో-తలపుల నిలిచే పలుకువో

2.నిజం చెప్పినా నమ్మవులే-ముదములొ చిప్పిలు చెమ్మవులే
మోహనాంగి ముద్దుగమ్మవులే-మిఠాయిదాగిన చిటారు కొమ్మవులే
ప్రేమ తత్వం నీలోలోలోలో-రాగబంధం ఊగిసలాడే ఉయ్యాలో
మౌన వీణను నేనే మీటాలో-స్నేహమొలకను నేనే నాటాలో